Nëse ende nuk e keni vënë re, mes Kanye West dhe Drake ka nisur një luftë virtuale. Gjithçka nisi kur bashkëshorti i Kim Kardashian ‘u ankua’ në ‘Twitter’ që Drake nuk i ka kërkuar falje, pasi kishte kërkuar leje për të përdorur një nga këngët e Kanye West. U duk sikur nuk kishte diçka problematike në këtë mes, pasi Drake u përgjigj duke shpjeguar se i kishte telefonuar reperit. Por siç duket kjo nuk është e vërtetë, pasi reperi e ka kërcënuar gjatë telefonatës në fjalë. Pak më vonë Kanye e akuzon në ‘Twitter’ reperin se kishte kërcënuar familjen e tij. Pas gjithë zhurmës reagoi edhe Kim. “Kurrë mos e kërcëno familjen time dhe bashkëshortin tim. Ai të ka hapur rrugë që ti të kesh sukses. Bashkëshorti im është një njeri i mrekullueshëm dhe më i zgjuari që njoh. Ai ka thyer shumë barriera, gjithçka në muzikë, dizajnin e skenës, modën dhe kulturën dhe do vazhdojë të ndryshojë botën”,-shkruan ajo në ‘Twitter’.
My husband is the most brilliant person, the most genius person that I know. He has broken so many boundaries, everything from music, stage design, fashion and culture and will continue to change the world.
— Kim Kardashian (@KimKardashian) December 14, 2018
Debati virtual ka ngjallur diskutime dhe pritet që të vazhdojë, por fansat luten që të mos degjenerojë në dhunë./revistawho.com
