Dosja hetimore e SHBA që çoi në gjyq motrat shqiptare të përfshira në trafikun e drogës, pjesë e bandës së bashku me të dashurit e tyre zbardh detaje nga përfshirja në rrjet dhe roli i tyre si shpërndarëse dhe ndërlidhëse deri te përdoruesit. Shqiptarja, Jonida, 28 vjeçe dhe Denisa Aliçka, 26 vjeçe janë arrestuar në dhjetor, por së fundi dolën para gjykatës, që i ngarkon me faj për posedim droge. Seanca e radhës për dy motrat është caktuar të mbahet në 28 korrik, ndërsa agjenti special i FBI-së, David Gardner, në gjyq dëshmoi se të dy motrat ishin pjesë e trafikimit të 20 kg kokainë dhe marijuanë nga Kanadaja në Cleverland. Autoritetet amerikane kanë hetuar çështjen që prej shtatorit dhe kanë bashkëpunuar me dëshmitarë dhe kanë përgjuar edhe telefonatat.
Dosja e gjatë e prokurorisë ka të detajuara gjithë përgjimet dhe mesazhet e shkëmbyera dhe pikat ku bëhej dorëzimi i mallit. Mes të akuzuarve është dhe Rinald Turhan, i dashuri i Denisa Aliçkës dhe biznesmeni Leka Konini, të cilët janë arrestuar. Turhan, Konini dhe Denisa Aliçka u arrestuan në dhjetor pasi policia e Los Angelos ndaloi Koninin me një çantë me rreth 10 kg MDMA. Sipas akuzës, Jonida Aliçka ka qenë studente në Universitetin Shtetëror të Cleveland dhe ka punuar një ditë në javë edhe për policinë ‘Linndale’ që nga viti 2013. Burime të hetimit kanë thënë se Jonida Aliçka sjell 15 dhe 20 kg marijuanë të cilësisë së lartë në Cleveland një herë në muaj. Ajo transporton marijuanën nga Michigami, të cilën e siguronte nga Turhani. Pjesë e hetimeve është dhe ish-i dashuri i Jonida Aliçkës, Fabian Mihaj. Ai besohet se ndodhet në Toronto dhe dyshohet si i përfshirë në trafikun e drogës.
Jeta luksoze
Në bazë të hetimeve dy motrat nga Shqipëria, të cilat ishin vendosur në SHBA prej shumë vitesh, bënin jetë luksi, ku sipas përshkrimeve që janë bërë në dosjen e tyre ato ishin në gjendje madje që të rezervonin bileta të minutës së fundit për udhëtime të shtrenjta duke mos vënë në pikëpyetje çmimet e larta të tyre. Prokurorët i kanë përshkruar të dyja motrat se bënin një jetë luksoze, plotë me kirurgji plastike, makina luksoze dhe udhëtime në Miami. Dyshimet në këtë pjesë kanë lindur pasi ato nuk ishin deklaruar të punësuara, çka e ka bërë më të lehtë edhe gjetjen e provave dhe lidhjet e tyre me trafikantët e lëndëve narkotike. Gardner thotë se qiraja mujore që kishte Denisa Aliçka për apartamentin e saj në kompleksin Brighton Chase në Center Ridge Road ishte 1235 dollarë në muaj. Ajo udhëtonte me një makinë Mercedes Benz të kohëve të fundit dhe kishte një klinikë me produkte kozmetike.
Përgjimet
CS-2: Hey kur do i marrim ato 9 dozat?
Denisa: Mendoj se nga e enjtja ose e premtja…(i shpjegon se dozën do t’ua japë Turhani, i dashuri i saj, në Michigan)
Denisa: Por ai (Turhani) nuk ndihet shumë i sigurt t’iu takoj ju sepse e keni ende dosjen e hapur. Shokët e tij e kanë frikësuar.
CS-2: Po atëherë si do ta marrim ne?
Denisa: Do shkoj unë nesër dhe mund ta marr
Dhjetor
Cs-2: A ju ka mbetur më ‘Molly’? Na duhen edhe nja 9 doza
Denisa: Për kur? Ai (Turhani) me tha që mund të merrni një gjysmë kile për 16 (16.000 dollarë). Sepse nuk do të keni më për pak, se ai do t’i çojë zonjushat (drogën MDMA) në LA (Losa Angeles). Ato po lëvizin shumë ngadalë këtu ( droga nuk u shitej me shpejtësi në Detroid)./Shekulli/
