Mesazhet tmerruese: Trump do të veprojë me myslimanët ashtu siç veproi Hitleri me hebrenjtë

Besimtarët myslimane marrë mesazhe që të largohen nga vendi ose do të përballen me genocid në disa xhami në Kaliforni, Ohajo dhe disa shtete të tjera të SHBA-së. Policia tha se mesazhet e marra janë të gjitha fotokopje e një letre të shkruar me dorë, e cila u drejtohet “fëmijëve të djallit”. Këshilli i Marrëdhënieve Amerikano-Islamike, një grup i madh për liritë civile në SHBA, ka kërkuar nga FBI që t’i hetojë rastet. FBI ka thënë se kërcënimet, “edhe pse nxitëse dhe të tmerrshme”, nuk paraqesin paralajmërim të veçantë, të mjaftueshëm për t’u hetuar në këtë pikë. Në mesin e gjërave të tjera, në letra thuhet se presidenti i zgjedhur i SHBA-së, Donald Trump, do t’iu bëjë myslimanëve atë që u ka bërë Hitleri hebrenjve.