Një muaj më parë u nda nga jeta producentja e njohur Vjosa Berisha. Ajo u diagnostikua me kancer në vezore në mars të vitit 2021, teksa një vit më vonë e humbi betejën me jetën. Pas ka lënë të shoqin Fatosin dhe djalin, Lekën. Nëse do të ishte në jetë, Vjosa do të festonte sot 50-vjetorin. Bashkëshorti Fatosi ka postuar një foto të sajën.
“Ota sot ka ditëlindjen”, shkruan ai.
Edhe i biri Leka ka postuar kujtime me të ëmën e ndjerë, ndërsa njëri është një bisedë e tyre.
“Edhe mua më mungon gjithashtu”, i shkruante e ëma tri ditë para se të ndërronte jetë.
