Shikoni shenjat interesante sipas së cilave, pohojnë shkencëtarët, mund të shihni se si qëndroni në shkallën e jetëgjatësisë:
1. Gjatësia e gishtaveShkencëtarët kanë krahasuar më shumë se 1.500 gishta të meshkujve të sëmurë nga kanceri i prostatës me më shumë se 3.000 meshkuj të shëndetshëm. Duke injoruar anamnezën familjare dhe faktorët tjerë, meshkujt më të vjetër se 60 vjeç që kanë gishtin tregues më të gjatë se gishtin e unazës, kanë për 33 për qind gjasa më të vogla për t’u prekur nga kanceri i prostatës. Meshkujt më të rinj me gishtin tregues më të gjatë kalojnë edhe më mirë. Tek ata rreziku nga sëmundja është më i vogël edhe për madje 87 për qind.
2. Renditja e lindjesEdhe pse nuk ka dëshmi përfundimtare, disa studime kanë treguar që djemtë e parë gjatë lindjes janë të ekspozuar ndaj nivelit më të lartë të estrogjenit çka rrit mundësinë e sëmurjes nga kanceri i testiteve. Vëllezërit më të vjetër kanë edhe rrezik më të madh nga sëmurja nga leukemia.
3. Fuqia në duarSipas hulumtimit të gjatë madje 25-vjeçar, që ka përfshirë 6.000 meshkuj të moshës prej 45 deri 68-vjeçare, forca apo fuqia në duar ka qenë treguesi më i mirë i asaj se kush do të jetë vital dhe i lëvizshëm në moshën më të vjetër. Hulumtimi ka treguar që ata me duar më të dobëta kanë pasur probleme të shumta shëndetësore se më të fortit. Edhe në një studim tjetër, i cili ka përfshirë meshkujt dhe femrat më të vjetra, është vërtetuar që forca më e madhe në duar është e lidhur me jetëgjatësinë.
4. Rënia e flokëveHulumtimi i shkencëtarëve nga Harvardi dhe Brigham dhe spitali i femrave ka treguar që të qenit tullac dhe humbja serioze e flokëve është i lidhur edhe me rritjen e sëmundjeve të zemrës, transmeton Koha.net. Në këtë kontest veçanërisht të prekur janë meshkujt krejtësisht tullacë tek të cilët mundësia e sëmurjes është rritur për 36 për qind për dallim nga meshkujt që kanë flokë.
5. Religjioni“Nuk e dimë pse, por njerëzit që shkojnë rregullisht në kishë, pavarësisht fesë, definitivisht jetojnë më gjatë”, tha dr. Gray Frase i cili është hulumtues në Loma Linda University School of Public Health.
