Prej kohësh qarkullon ideja se meshkujt pëlqejnë vajzat pa grim fare. Por çfarë thonë studimet? A është vërtet kështu?
Një kërkim i realizuar nga St. Ives, me pjesëmarrjen e 1,000 grave dhe 550 burrave, tregoi se 40% e meshkujve mendojnë se femrat përdorin tepër makeup, ndërsa 45% e tyre pranuan se grimi i rënduar është një “turn-off” i madh.
Pra, nuk është se meshkujt duan vajza krejtësisht pa grim, por ata parapëlqejnë pamjen natyrale dhe grimin e lehtë më shumë sesa “full face makeup”.
Një tjetër studim i botuar në *Quarterly Journal of Experimental Psychology* arriti në të njëjtin përfundim: si burrat, ashtu edhe gratë, kur shihnin foto të femrave me nivele të ndryshme grimi, zgjidhnin gjithmonë ato me më pak makeup.
Studiuesit shpjeguan:
“Rezultatet sugjerojnë se femrat shpesh e përdorin makeup-in për t’iu përshtatur një standardi bukurie që në fakt nuk ekziston, duke menduar se kështu i pëlqejnë më shumë meshkujve.”
Nga ana tjetër, kontrasti është i madh: mbi 50% e grave thonë se përdorin makeup për t’u ndier mirë me veten, dhe 28% pranojnë se pa grim ndihen pa vetëbesim. Madje, 14% e grave deklaruan se nuk dalin nga shtëpia pa grim, ndërsa 17% do të anulonin edhe një takim nëse nuk do kishin kohë të bëheshin gati.
Pra, ndonëse grimi i rëndë shpesh rezulton të jetë jo i preferuar nga meshkujt, për shumë gra ai mbetet një mjet fuqizues, që lidhet me vetëvlerësimin.
E vërteta? Meshkujt nuk janë kundër makeup-it, por preferojnë masën – jo teprimin. Një grim i lehtë, që nxjerr në pah tiparet natyrale, duket se është kombinimi që i tërheq më shumë.
