Mesi i gushtit, muajit të fundit të verës shoqërohet me dy festa të mëdha që e bëjnë këtë datë të shumëpritur nga të gjithë. Festa e Virgjëreshës Mari dhe Ferragosto, e njohur dhe e festuar gjerësisht në Itali përkojnë në të njëjtën datë dhe i nxjerrin të gjithë nga shtëpia për të festuar, ose i bëjnë bashkë me njerëzit më të dashur. Ne sot do ju zbulojmjë detajet që duhet të dini për secilën prej tyre, edhe pse janë goxha të lidhura me njëra-tjetrën.
Ferragosto është një festë që ka lindur shumë herët dhe lidhet ngushtë me sundimin e Çezarit, i cili caktoi datën 1 gusht për të pushuar pas ditësh të shumta pune më sektorin agrokulturor. Asokohe puntorët uronin njëri-tjetrin dhe merrnin shpërblim monetar. Duke qenë se kjo festë lindi për arsye politike, kisha katolike e levizi si datë festimi më 15 gusht që të përkonte me festimet për Virgjëreshën Mari dhe kështu të dyja do mbaheshin në një ditë për të mos prishur traditën. Në Itali festimet e 15 gushtit mbyllin çdo aktivitet biznesi dhe i japin kohë popullit të pushojë për shumë kohë. Në 2010-ën, pushimet u shkurtuan në një afat kohor prej 2 javësh pasi vetëm kështu mund të shmangeshin humbjet në biznese dhe ekonomi prej mbylljes më afatgjatë. Në këtë datë organizoheshin festime në rrugë nga pushtetarët dhe jepeshin udhëtime me çmime shumë të ulëta me tren nga një vend në tjetrin. Ndërsa sot, festa lidhet ngushtë me festimet e Shën Mërisë dhe është një rast i mirë që familjarët të bëhen bashkë, të udhëtojnë ose shpenzojnë kohë me njëri-tjetrin.
Nga ana tjetër Dita e Shën Mërisë që njihet botërisht si “Assumption of Virgin Mary”, lidhet ngushtë me momentin që sipas Biblës Virgjëresha Mari u mor në parajsë nga Zoti me trup dhe shpirt, si shpërblim që solli në jetë Jezus Krishtin. Kjo ditë është shumë e rëndësishme në kalendarin fetar ortodoks dhe katolik pasi njihet si ditëlindja e Shën Mërisë në parajsë. Kjo ditë lidhet ngushtë me besimin se Zoti do i pranojë të gjithë ata që e duan dhe e besojnë në parajsë njësoj si Virgjëreshën Mari.
Besimtarët agjërojnë për 15 ditë duke mos ngrënë deri në mbrëmje dhe nuk lejohet të kryejnë marrëdhënie seksuale. Kjo është fundjava e vitit kur të gjithë dalin dhe festojnë. Ortodoskët kanë pjesë të traditave larjen në det, ku duhet t’u kalojë dallga tre herë që të lahen mëkatet. Kjo ditë shoqërohet edhe me vajtje në kishë dhe lutje, ndërsa është zyrtarisht ditë pushimi në shumë vende të botës./revistawho.com
