Kanë kaluar 25 vite që nga koha kur e gjithë bota ra në dashuri me 8-vjeçarin, Kevin McCallister, teksa mbronte veten dhe shtëpinë e tij nga hajdutët, ditën e Krishtlindjeve në komedinë “I vetmi në shtëpi”.
Filmi i publikuar në 1990 theu rekord në shikueshmëri duke arritur rreth 500 milionë dollarë fitime por ky film gjithashtu lançoi karrierën e aktorit Macaulay Culkin, i cili u bë një milioner që në moshën 12-vjeçare. Ai tashmë është 35-vjeç.
Po ku kanë përfunduar protagonistët kryesor të këtij filmi të famshëm?
KEVIN MCCALLISTER: MACAULAY CULKIN. Pas suksesit tek “I vetmi në shtëpi”, Culkin ka luajtur në disa role të tjera por asnjë rol nuk arriti suksesin e tij të parë. Në 2012, u përfol se ishte pranë vdekjes për shkak të heroinës. Por në 2013, edhe pse u përfol se hoqi dorë nga drogërat, u raportua se ai pinte 60 cigare në ditë.
HARRY LIME: JOE PESCI. Ndryshe nga aktorët e tjerë, Joe Pesci, ishte një superstar në kohën që mori pjesë në këtë film. Pavarësisht suksesit, Joe vendosi të hiqte dorë nga aktrimi pasi dëshironte të fokusohej në karrierën muzikore. Joe Pesci tani është 72-vjeç.
MARV MERCHANTS: DANIEL STERN Pasi luajti si partneri i krimit përkrah Joe Pesci, Daniel Stern, vazhdoi karrierën e tij në film pavarësisht se roli në filmin “I vetmi në Shtëpi” u cilësua si më i famshmi i tij. Tashmë 58-vjeç, ai luan në “WGN’s Manhattan”.
