Mevlani është rikthyer në qendër të vëmendjes për shkak të lidhjes së tij me Livian, e cila aktualisht është një nga banoret e “Big Brother VIP Albania”. Në programin “Ndryshe”, ai foli për këtë temë dhe u pyet nëse do të bëhej pjesë e edicionit të katërt të BBVA.
“Unë kam pasur shumë dëshirë me thënë të drejtën. Nuk e di në këtë pikë të lojës sa do t’ja vlente sepse edhe lojtarët kanë marrë pozicionet e tyre. Dihet që janë disa personazhe drejt finales dhe nuk e di sa do të më shërbente kjo hyrja ime. Kur them jo, më qan shpirti. Nuk e di”, u shpreh Mevlani.
Gjithashtu, në rubrikën “Big Love”, Livia mori një mesazh në emër të “Melos”, që është një nga mënyrat si ajo e thërret Mevlanin. Ky moment u bë temë diskutimi në rrjet, duke ngritur dyshime nëse ishte ai që ia kishte dërguar. Mevlani reagoi duke thënë:
“Mendoj që do të ishte mirë që kjo histori të mos përmendej fare aty brenda, por banorët shohin lajmet e showbiz-it se çfarë ndodh dhe sigurisht që do t’ja përdornin këtë gjë Livias. Mua nuk më pëlqen aspak me thënë të drejtën sepse duhet të merren me personazhin që është aty brenda, jo çfarë ka ndodhur jashtë. Është e gabuar sepse lëndohen njerëzit” tha ai.
.
