Loredana Brati, e njohur nga publiku si ish-banore e “Big Brother VIP 4” dhe moderatore e “Goca dhe Gra”, ka befasuar ndjekësit me një lajm të ri. Në një intervistë të dhënë për “She’s On Air”, ajo ka treguar se po përgatitet për një projekt që pritet të ngjallë interes të madh.
“Ka diçka që po gatuhet, mezi po pres që ta ndaj me ju, por nuk është akoma momenti pasi do ta mbaj dhe pak akoma për vete. Jam e sigurt që do t’ju pëlqejë roli im në atë që do të bëhet edhe jam shumë e lumtur që do të kem mundësinë akoma që të jap atë që dashamirësit dhe ndjekësit kërkojnë nga unë. Ata duan të shikojnë shpirtin tim të batutës, humorit dhe pozitivitetit. Mezi pres që ta ndaj.” – tha Loredana, duke lënë publikun kureshtar për surprizën që vjen.
E pyetur nëse do të vijojë rrugëtimin e saj me Top Channel, ajo e bëri të qartë përgjigjen:
“Po. Familja e Top Channel-it më ka hapur derën dhe nuk më kanë bërë asnjëherë që të ndihem keq dhe vazhdon më jep shumë pozitivitet. Nuk kam pse të lëviz nga aty“.
