Michelle Obama rrëfen për herë të parë abortin dhe si i solli në jetë vajzat e saj

Michelle Obama është një nga femrat me më shumë influencë në botë. Ndonëse tani ka një jetë për t’u admiruar, më parë ajo ka kaluar histori të dhimbshme. Për t’i ndare këto ndodhi me publikun ajo ka vendosur të shkruajë një libër mbi jetën e saj ku do të tregojë të pathënat dhe bëmat më të mëdha.
Ditën e djeshme ajo ishte e ftuar në një emision amerikan, ku zbuloi disa nga sekretet që ka shkruar në libër. Ish-Zonja e Parë tregoi se fëmijën e parë e ka abortuar dhe ka kaluar një dhimbje të tmerrshme.
“Ndihesha sikur kisha dështuar sepse nuk dija asgjë për abortin spontan sepse nuk flitej për të. Ulesha me dhimbjen dhe isha e shkatërruar. Kjo është arsyeja përse duhet të flasim me nënat e reja që përjetojnë të njëjtat fatkeqësi.” – u shpreh Michelle.
Më pas ajo shtoi se dy vajzat e saj i solli në jetë nëpërmjet mënyrës ‘In vitro’ dhe ju desh t’i përballonte të gjitha e vetme, pasi Barack Obama kishte detyra të rëndësishme për të përmbushur./revistawho.com