Këngëtari Mick Jagger ka lënë të kuptohet se ai do të preferonte ta linte pasurinë e tij prej 500 milionë dollarëshe për bamirësi dhe jo për fëmijët e tij. Bëhet fjalë për të ardhurat nga shitja e katalogut të Rolling Stones pas vitit 1971.
“Ata nuk kanë nevojë për të jetuar, është më mirë të bëjnë mirë në botë”, tha rockeri 80-vjeçar, në një intervistë së fundmi.
Mick Jagger ka 8 fëmijë, më i vogli është Deveraux, i cili është vetëm 6 vjeç (në dhjetor do të mbushë 7 vjeç), ndërsa më i madhi është Karis, i cili në nëntor do të mbushë 53 vjeç. Më pas, është fëmija i dytë Jade, 51 vjeç, me ish-bashkëshorten e tij Bianca Jagger.
Këngëtari i Stones ka edhe katër fëmijë me aktoren Jerry Hall, vajzat Elizabeth, 39 vjeç dhe Georgia May, 31 vjeç, si dhe djemtë James, 38, dhe Gabriel, 25 vjeç. Në vitin 1999, lindi Lucas, aktualisht 24 vjeç, gjatë një lidhjeje me modelen Luciana Gimenez. Në vitin 2016, ai kishte fëmijën e tij më të vogël, Deveraux, me koreografen dhe ish-balerinën Melanie Hamrick.
