Microsofti është duke punuar në një pajisje të re Surface Phone, përmes të cilës kompania ka vendosur që të ndryshojë mënyrën e funksionimit të tregut të smartfonëve. Me arritjen e Surface Phone, Microsofti aktualisht është duke luajtur më shumë kartën e “pajisjes biznesore me klasë”, dhe kompania është duke kërkuar që të ndryshojë perceptimin e publikut, transmeton Koha.net. Perceptimi i publikut dhe ndjenjat e tyre ndaj këtij brendi rrallë janë negative, dhe Microsofti është duke kërkuar që të sjellë risi sa ma shumë. Telefoni i ri i Microsoftit, Surface Phone, pritet të vijë me 8 gigabajt të RAM memories dhe 500 gigabajt të memories së brendshme. Po ashtu pritet të vijë edhe në versione të tjera, të tilla si: 4 GB RAM me 64 GB memorie të brendshme, 6 GB RAM me 128 GB memorie, si dhe 8 GB RAM dhe 512 GB memorie të brendshme. Çmimi i Surface Phone pritet të jetë ndërmjet 749 deri në 1149 dollarë, varësisht nga versioni të cilin e zgjedh përdoruesi. Microsoft Surface Phone pritet që të lansohet në tetor të këtij viti, së bashku me Surface Pro 5 dhe Surface Book 2.
