Këngëtarja e njohur, Ledina Çelo, duket se ka zgjedhur që pushimet e verës t’i shijojë në disa destinacione të ndryshme. Me anë të disa videove të publikuara në ‘Instastory’ ajo ka zbuluar se ndodhet në Francë së bashku me familjen e saj. Megjithatë pavarësisht kësaj zgjedhjeje, Ledina ka treguar se vendi i saj i preferuar për të pushuar është jugu i Shqipërisë.
Ajo ka ndarë një foto të vogëlushëve të saj, të cilët duken se po shijojnë bregdetin Jon nën rrezet e forta të diellit. “E ku ka si jugu i Shqipërisë sime”,- ka shkruar këngëtarja krah postimit të bërë, duke treguar se deti i vendit tonë mbetet zgjedhja e parë për të.
Ndonëse ajo nuk ka treguar më shumë, me siguri një nga udhëtimet e radhës së Ledinës lidhet me Shqipërinë. Kujtojmë se prej disa kohësh ajo jeton në Gjermani me familjen e saj, ndonëse shpesh herë zgjedh të kthehet në vendlindje për të shijuar pushimet, apo për të kaluar kohë pranë familjarëve apo miqve më të afërt te saj./revistawho.com
