Angelina Jolie dhe Brad Pitt kanë arritur në një marrëveshje për pushimet verore të 6 fëmijëve të tyre. Aktorja ndodhet momentalisht në New Mexico, duke xhiruar filmin e saj me të ri, por gjithashtu po kalon kohën me fëmijët e saj.
Burime pranë dyshes kanë zbuluar për ‘HarpersBazaar’ se fëmijët gjatë 3 muajve të ardhshëm do të udhëtojnë shpesh herë për në Los Angeles për të kaluar kohë dhe pranë babait të tyre, Brad Pitt. Pavarësisht problemeve të shumta në raportin e Angelina dhe Brad, fëmijët kanë preferuar shumë herë të kalojnë momente si festa apo ditëlindje pranë të atit të tyre.
Kujtojmë se marrëdhënia e Jolie dhe Pitt ka qenë gjithmonë në qendër të vëmendjes për shkak të përplasjeve të shumta të dyshes, lidhur me fëmijët e tyre. Pas disa seancash gjyqësore, duket se tashmë dy aktorët kanë arritur në një marrëveshje për të ndarë kohën në mënyrë të barabartë me fëmijët e tyre./revistawho.com
