Seriali ‘Familja Kuqezi’ pritet të nisë shumë shpejt sërish në ekranin e ‘Tring Shqip’. Pas një sezoni shumë të suksesshëm edhe kësaj here nuk do të mungojnë aventurat dhe surprizat për familjen më të famshme në Shqipëri. “Familja Kuqezi” është serial komedia më e veçantë e zhanrit ‘Situation comedy’, prodhuar dhe realizuar nga Tring, në bashkëpunim me profesionistët më të mirë të fushës së artit të komedisë në vend.
Familja ‘Kuqezi’ janë padyshim një familje model, jo në kuptimin që është perfekte, por në atë se, pavarësisht problemeve që kalon ajo mbetet në frymë një familje pozitive ku mbizotëron morali, respekti reciprok dhe vlerat më të mira. Me një kast të përzgjedhur aktorësh, ka spikatur dhe vajza 18-vjeçare, Ester Alushi e cila me talentin e saj ka treguar se gëzon një pasion të madh për aktrimin.
Ndonëse studion ende në shkollën e mesme ‘Qemal Stafa’, Esteri ka mundur të gjejë kohën e duhur për t’u angazhuar edhe në ekran. Prej kohësh bukuroshja ka qenë pjesë e shumë aktiviteteve kulturore të Tiranës, ku është përfshirë edhe në shfaqje teatrale për fëmijë.
Duke hedhur një hap më të madh dhe të sigurt, Alushi u bë pjesë e familjes kuqezi në vitin 2018, duke qenë pjesë e tij tashmë prej dy sezonesh. Esteri e ka provuar veten e saj edhe në moderim, megjithatë duket se ky është vetëm fillimi i një rrugë mjaft të gjatë, me punë të palodhshme, suksesi i të cilës do të jetë me siguri i garantuar./revistawho.com
