Një mesazh i ndjerë nga Rozana Radi, ka prekur ndjekësit në rrjetet sociale. Këngëtarja ka shprehur publikisht mbështetjen e saj për Gjestin, përmes një story në Instagram, ku ka shkruar:
“Ta kisha dhënë një përqafim tani”.
Mesazhi është shoqëruar me sfond muzikor këngën e re të Gjestit, “Memories”, një projekt tejet personal dhe emocional, i dedikuar vëllait të tij të ndjerë.
Ky gjest empatie nga Rozana Radi duket si një përqafim simbolik në një moment të vështirë për artistin, si një shenjë solidariteti dhe ndjeshmërie në showbiz-in shqiptar.
Kënga “Memories” është pritur mjaft mirë nga publiku, me mbi 1 milion shikime që prej publikimit të saj një ditë më parë, duke e rikthyer Gjestin në muzikë me një rrëfim të sinqertë, ku dhimbja personale kthehet në art.
