Si çdo të mërkurë, emisioni “Live From Tirana” në “Top Albania Radio” ka ardhur nën shoqërinë e Enos dhe Ledionit dhe tema që është trajtuar në këtë emision ka qënë se nëse do e nisnit jetën nga fillimi, çfarë nuk do të kishit bërë njësoj. Personazhi i parë që është kontaktuar në lidhje me këtë temë ka qënë moderatorja e Portokallisë, Xhemi Shehu. E njohur tashmë për sensin e saj të humorit, Xhemi është përgjigjur se nëse do e niste edhe njëherë jetën nga fillimi, ajo nuk do i kishte prerë balluket siç i ka prerë tani dhe nuk do të kishte zgjedhur të njëjtët shokë. Xhemi, përveç se moderon programin humoristik, është një nga protagonistet e “Atentateve”. E pyetur se cili do ishte roli që do kishte dashur të luante në një film, ajo është përgjigjur: “Shtrigë si Marigoja”. Ndërsa përsa i përket “Atentateve” për këtë javë, do të luhet filmit “Vdekja e Kalit”, zbulon për “Live From Tirana”, Xhemi. Por në këtë telefonatë, Xhemi nuk i ka shpëtuar pyetjes rreth marrëdhënies së saj të përfolur me moderatoren dhe këngëtaren Eneda Tarifa, për të cilën është shprehur se marrëdhënia e tyre ka qënë gjithmonë e mrekullueshme. Xhemi e ka përfunduar intervistën e saj interesante me një urim për mikën e saj, Eneda, duke thënë se vdes për këngën e saj dhe i uron shumë suksese në Eurosong. (Top Albania Radio)
