Në kohën kur Ermal Mamaqi ishte pjesë e grupit “The Dreams”, pati një miqësi shumë të ngushtë me djemtë e grupit, miqësi e cila vazhdon edhe sot e kësaj dite. Madje njërin prej tyre Ermali e ka “krahun e djathtë” në emisionin e tij “Xing me Ermalin”. Bëhet fjalë për Sonin, i cili me anë të humorit të tij, krijon disa situata shumë komike me njerëzit e zakonshëm që takon në rrugë.
Ditën e sotme Soni ishte i ftuar në emisionin “Rudina” dhe aty tregoi se ishte Ermali ai i cili i bëri propozimin për t’u rikthyer në ekran. Duke qenë se sot punojnë në një situatë shumë më të ndryshme nga ajo e mëparshmja, Rudina pyeti Sonin se cili është vesi më i keq i Ermalit si drejtues i emisionit “Xing me Ermalin”. “Ndoshta do të doja të bëhej pak më i keq, që ne të punojmë më shumë. Ermali është korrekt, të ndihmon, është bashkëpunues, i fton për drekë e për darkë kolegët e tij. Por Ermali ka një gjë, nëse nuk punon, nëse e thyen kodin, ligjin, mendoj se bie shpejt.”, – ka thënë Soni. /revistawho.com
