Natën e djeshme, ishte premiera e filmit ‘Isn’t it romantic’, ku bashkëshorti i Miley Cyrus, Liam Hemsworth është protagonist. Si rregull, Liam duhet të ishte i pranishëm në tapetin e kuq gjatë premierës, por kjo gjë nuk ka ndodhur për shkak të problemeve të tij shëndetësore. Megjithatë, në vend të tij është paraqitur Miley dhe e ka përfaqësuar atë në mënyrën perfekte. Ajo u shfaq me një fustan të kuq madhështor dhe një model të thjeshtë flokësh. Çfarë tërhoqi më shumë vëmendje ishte komenti i saj në ‘Instagram’. “Kaq krenare për bashkëshortin tim dhe filmin e tij më të ri. Fatkeqësisht, ai nuk ishte në gjendje të merrte pjesë për shkak të arsyeve shëndetësore … por tani është më mirë dhe po e merr këtë kohë për të pushuar dhe për t’u shëruar. Është e vështirë që artistët të vendosin veten para projektit, por këtë herë ishte shumë e rëndësishme … Jam krenare që e përfaqësoj atë dhe punën e tij të pabesueshme. Pra, e lumtur që e shoh atë duke ndriçuar në këtë komedi! Ai është personi më humorist që unë njoh, dhe bota tani mund të shoh Liam-in që unë shoh çdo mëngjes”, ka shkruajtur Miley në postimin e fundit. Edhe pse tani quhen të martuar, duket se marrëdhënia e tyre nuk ka ndryshuar, por është forcuar./revistawho.com
https://www.instagram.com/p/BtxDxxUBjwN/
