Pas lajmeve të ndryshme se Cody Simpson dhe Miley Cyrus i kishin dhënë fund lidhjes së tyre, kjo e fundit ka konfirmuar ndarjen me anë të një videoje ‘live’ në ‘Instagram’.
“Momentalisht jemi duke punuar me veten tonë për t’u bërë njerëzit që ne duam te jemi, njëjtë si çdo njeri tjetër në moshën tonë. Ne jemi miq prej 10 vitesh, nuk duam të bëjmë drama, nëse javën tjetër vendosim të hamë pica bashkë, ne do vazhdojmë të mbetemi miq”, është shprehur Miley në llogarinë e saj.
Kujtojmë se dyshja kanë qenë në një lidhje për 10 muaj. Pavarësisht vendimeve të tyre, ata vazhdojnë të ndiqen në rrjetet sociale duke treguar se ndarja e tyre ka qenë mjaft paqësore./revistawho.com
