Miley Cyrus së fundmi është bërë nostalgjike për të shkuarën e saj dhe ka vendosur që t’i rikthehet ‘look-ut’ të vjetër. Këngëtarja u bë shumë e njohur në fillimet e saj me filmin “Hannah Montana”, nga i cili mbahet mend si vajza me flokët e gjatë biond. Tashmë ajo ka vendosur që pamjen ikonike të filmit ta rikthejë dhe njëherë në mendjen e të gjithëve. Miley është bërë bionde dhe ka prerë flokët me baluke, njësoj si 13 vite më parë.
“E dini njerëz se ishte shumë e vështirë të kthehesha mbrapa dhe unë vendosa se do të jem Hannah përgjithmonë”, – ka thënë me shaka këngëtarja në një video të publikuar në rrjete sociale. I vetmi ndryshim në këtë rast është se në film Miley përdorte paruke, ndërsa këtë herë janë flokët e saj të vërtetë. Shumë fansa i kanë kërkuar shpesh këngëtares t’i kthehet rolit të vjetër të Hannah Montana, ndaj me siguri ky ndryshim në pamje duhet t’ju ketë pëlqyer të gjithëve. /revistawho.com
