Miley Cyrus i ka kaluar javët e fundit duke pushuar për shkak të zërit, por ajo do t’i rikthehet muzikës në vitin 2020. Madje duket se Miley ka vendosur të rikthehet ndryshe nga çdo herë tjetër, ashtu siç nuk e priste askush. “TMZ” raporton se Cyrus ka plotësuar dokumentet për të marketuar emrin e një bande që ka krijuar me të dashurin e saj, Cody Simpson. Ata të dy kanë krijuar grupin me emrin “Bandit and Bardot” dhe në ‘Instagram’ shihet se kjo faqe ndjek vetëm Miley-n dhe Cody-n.
Sipas “TMZ” kjo kompani që është në emër të Cyrus do të ketë në qendër aktivitetet argëtuese, duke përfshirë performanca live nga një grup dhe nga një këngëtar profesional. Kjo nuk është hera e parë që Miley dhe Cody japin një sinjal për bashkëpunimin e tyre në muzikë. Në fillim të këtij muaji, Simpson tha për “E!” se ata po mendonin të bënin diçka bashkë në lidhje me muzikën. Kujtojmë se Miley dhe Cody kanë vetëm 2 muaj që e kanë bërë lidhjen e tyre publike dhe duket se romanca mes tyre ka ndikuar edhe në marrjen e këtij vendimi kaq të rëndësishëm. /revistawho.com
