Përpara pak ditësh Miley Cyrus u fotografua duke blerë disa rroba fëmijësh në një dyqan në Los Angeles. Dy muaj më parë, partneri i saj, Liam Hemsworth u shpreh se ishte gati të bëhej baba nëse Miley do të mbetej shtatzënë dhe prandaj të gjithë fansat u entuziazmuan kur mësuan se ajo po merrte rroba fëmijësh.
Në fakt e vërteta duket krejtësisht ndryshe. Një burim pranë këngëtares ka thënë për ‘Hollywood Life’ se pavarësisht se ajo po blinte rroba për bebe nuk është shtatzënë. Miley thjesht kishte dalë për ‘shopping’ bashkë me miket e saj. Megjithatë ky burim ka treguar se këngëtares i pëlqen shumë të bëhet nënë një ditë, por ky nuk është fokusi i saj për momentin. Këtë gjë mund ta tregojë fare qartë edhe fiziku i saj, pasi nga fotografitë Miley duket në formë si kurrë më parë. /revistawho.com
