Hailey Baldwin dhe Kendall Jenner kanë qenë të ftuara speciale në ‘Carpool Karaoke’, por papritur atyre ju bashkua edhe Miley Cyrus. Dy modelet ishin duke kënduar këngën e Miley kur ajo ju shtua grupit.
Bashkëshortja e Justin Bieber dhe këngëtarja e njohur janë mikesha që në vegjëli dhe përfituan nga kjo dalje publike për të kujtuar pak nga ajo kohë.
Hailey u shpreh se Miley tallej me të kur ishte e vogël dhe ky detaj u pa si shokues nga publiku. Këngëtarja nuk e mohoi, por tregoi detajet. “Ajo donte të luante me mua dhe motrën e saj dhe ne e mbyllnim në dhomë dhe silleshim keq me të. Por ti e di që duhet ta bëja. Për shkak të sjelljeve të mia ti je sot kjo që je. Tashmë ti duron gjithçka”,-u shpreh Miley.
Siç duket eksperiencat e vështira nga fëmijëria i kanë hyrë shumë në punë modeles së suksesshme. Pas martesës me Justin Bieber, Hailey-t ju desh të përballej me shumë ofendime dhe akuza nga fansat./revistawho.com
