Miley Cyrus duket se pas ndarjes nga Liam Hemsworth dhe Kaitlynn Carter po mbështetet plotësisht tek familja e qentë e saj. Së fundmi artistja ka publikuar një mesazh shumë domethenës, për të cilin fansat janë të bindur se ua ka dedikuar dy ish-partnerëve të saj. Miley ka postuar në ‘Instagram’ një foto me dy qentë dhe ka treguar se ata i dhurojnë dashuri pa kushte, diçka që nuk e ka gjetur tek asnjë njeri. “Të zgjohem e rrethuar nga kafshët është mënyra ime e preferuar për të nisur mëngjesin. Më kujton menjëherë se duhet të duash pa kushte…pjesa më e mirë e kafshëve është se atyre nuk ju interesojnë detajet. Ata jetojnë në bazë të rregullit të artë: Dashuro dhe ji i dashuruar. Asgjë tjetër. Nuk pyesin për pasurinë, karrierën, talentet, rracën, moshën, gjininë… ta kthejnë dashurinë 100 herë më shumë… ata duan vetëm besnikëri, siguri dhe besueshmëri (më kujton dikë)”, ka shkruar Miley në postimin e saj. Mesazhin ajo e ka mbyllur me një dorë të ngritur lart, duke treguar se në fjalinë e fundit i referohet vetes.
Sipas fansave kjo do të thotë se Miley ka dashur vetëm besnikëri, siguri dhe besueshmëri nga ana e Kaitlynn dhe Liam, por mesa duket askush prej tyre nuk ja ka ofruar këtë gjë. Sigurisht që dy ndarjet ishin shumë të ndryshme nga njëra-tjetra, por ishin mjaft të befasishme dhe kanë pasur ndikimin te arstistja. Miley dhe Liam njiheshin bashkë prej 10 vitesh dhe i dhanë fund lidhjes së tyre gjatë verës, pak muaj pasi kurorëzuan dashurinë e tyre me martesë. Ndërsa lidhja me Kaitlynn nisi menjëherë pas ndarjes nga Liam dhe zgjati vetëm 1 muaj. /revistawho.com
