Mimoza Shkodra dhe Seldi Qalliu janë çifti më i ri i showbiz-it shqiptar, sepse në tetor të vitit të kaluar ata morën vendimin që lidhjen e tyre ta zyrtarizonin me fejesë. Si një çift i ri këtë vit ata ndoshta kalojnë dhe pushimet e para së bashku, duke qenë se ditët e fundit janë zhvendosur në vendin ekzotik Punta Cana. Mesa duket ata po i shijojnë shumë këto ditë nën shoqërinë e njëri-tjetrit dhe nuk kanë ngurruar që këto momente t’i ndajnë edhe me fansat e tyre. Fotoja që ka tërhequr më shumë vëmendjen është njëra që ka postuar Mimoza ku duket e përqafuar me partnerin e saj. Ajo gjithashtu këtë fotografi e ka shoqëruar me disa fjalë shumë të ëmbla: “Parajsa dhe Jeta ime” ka shkruajtuar Mimoza për Seldin.
