Pak javë më parë, Mimoza Shkodra dhe Seldi Qalliu pranuan se i kishin dhënë fund marrëdhënies së tyre. Pas ndarjes është përfolur shumë për lidhje të reja të dy këngëtarëve, por ata i kanë mohuar të gjitha. Mbrëmjen e sotme Mimoza Shkodra është shfaqur në rrjete sociale e veshur nuse përkrah Adrian Gaxhës, i cili duket i veshur si dhëndër. Këngëtari Gena ka publikuar një fotografi të dyshes dhe bashkangjitur saj ka shkruar: “I martuam edhe Mimoza Shkodrën dhe Adrian Gaxhën. Të na trashëgohet çifti”.
Pavarësisht se në foto gjithçka duket si dasmë e vërtetë e Mimozës dhe Adrianit, në fakt e vërteta është ndryshe. E gjithë kjo është përgatitur për emisionin e përvitshëm ‘Op Labi Party’, i cili organizohet nga moderatori i njohur, Labinot Gashi. Personazhe të famshëm mblidhen të gjithë bashkë për të festuar festat e fundvitit dhe kalojnë një mbrëmje të gjatë mes këngëve e lojërave te ndryshme. Xhirimet bëhen më parë dhe emisioni transmetohet më vonë dhe kjo tregon se “martesa e Mimozës dhe Adrianit” është e gjitha pjesë e “lojës” së emisionit. /revistawho.com
