Përtej respektit të tyre si kolegë, Eneda Tarifa dhe Elton Deda ruajnë një miqësi shumë të veçantë me njëri-tjetrin prej vitesh. Kjo gjë mund të dallohet edhe në fjalët që Eneda i ka dedikuar Eltonit për ditëlindje. Këngëtarja ka publikuar një foto përkrah artistit dhe nuk ka ngurruar të shprehë publikisht vlerësimet për të. “Vëllaçko, edhe 100! Gjithmonë qejf kur jemi bashkë, të gjithë, me shoqërinë tonë të rrallë. Ndihem e bekuar me njerëzi si ty Ton Deda dhe Adela Prendi. Gëzuar ditëlindjen vëlla”, – ka shkruar Eneda.
Siç duket në urimin e saj, këngëtarja nuk ka lënë pa përmendur edhe partneren e artistit të njohur, Adelën, me të cilën ai ka një histori të konsoliduar dashurie. Eneda Tarifa dhe Elton Deda të dy njihen si këngëtarë që kanë lëvruar kryesisht në muzikën ‘rock’ dhe kjo ka ndikuar akoma dhe më shumë në shoqërinë e tyre. /revistawho.com
