Elvana Gjata është bërë e njohur në tregun ndërkombëtar dhe tashmë ka krijuar miqësi edhe me artistë të famshëm. Para pak kohësh këngëtarja shqiptare bashkëpunoi me Ty Dolla Sign dhe gjatë punës në Amerikë ka njohur edhe artistë të tjerë. Së fundmi Elvana ka zbuluar se ajo ka krijuar miqësi tepër të ngushtë me reperen amerikane, BIA. Reperja ka arritur të bëhet pjesë e listës së ‘Billboard’ me këngën e saj më të fundit “Best on earth’, që u pëlqye shumë edhe nga Rihanna. Duke qenë se për një artist është shumë e rëndësishme të përfshihet në listat e ‘Billboard’, të gjithë miqtë, duke përfshirë edhe Elvanën, e kanë përgëzuar BIA-n për arritjen e saj.
Gjata ka publikuar në ‘Instagram’ disa foto me reperen, të cilat janë realizuar në studion muzikore amerikane, “Master House Studios”. “Vazhdo motër BIA. E meritoje plotësisht. Fitues është dikush që ngrihet sërish lart pasi ka rënë poshtë”, ka shkruar Elvana bashangjitur fotove me BIA-n.
Se si ka lindur miqësia me reperen amerikane, Gjata nuk e ka zbuluar, por dihet se vite më parë u përfol se ajo do të vinte në një bashkëpunim me të. /revistawho.com
