Brenda të njëjtës fushë thuhet se ka shumë xhelozi dhe konkurrencë, por për dy modelet shqiptare kjo gjë nuk vlen aspak. Bëhet fjalë për dy bukuroshet Afërdita Dreshaj dhe Xhesika Berberi. Miqësia e tyre ka nisur për herë të parë në një konkurs bukurie ku njëra përfaqësonte Shqipërinë e tjetra Kosovën. Ndoshta midis dy modeleve pati menjëherë kimi dhe për këtë arsye u bashkuan sërish me njëra-tjetrën në SHBA.
Në rrjete sociale nuk mungojnë edhe fotografitë e herëpashershme me njëra-tjetrën. Ato mundohen që në mënyra nga më të ndryshmet të tregojnë dashurinë e madhe të miqësisë së tyre. Ditën e sotme Afërdita ka gjetur një nga mënyrat më të veçanta për të surprizuar dhe treguar dashurinë mikes së saj. Xhesika ka postuar në ‘InstaStory’ një video në të cilën shihet me një bllok në dorë, faqet e të cilit janë mbushur me dedikime nga Afërdita. “Afërdita Dreshaj të do Xhes! Të dua shumë!”, – lexohet në fleta. Kjo gjë e ka emocionuar dhe lumturuar pa masë Xhesikën.
Kujtojmë se Xhesika do të jetë një nga shoqërueset e Afërditës në dasmën e saj në 26 qershor. /revistawho.com
