Një tension i ri duket se po lind mes Meghan Markle dhe Victoria Beckham, pasi burime të brendshme raportojnë se Markle është ndjerë “e lënduar dhe e poshtëruar” pas publikimit të dokumentarit më të fundit të Beckham në Netflix.
Seriali me tre pjesë, i publikuar më 9 tetor, ndjek rrugëtimin e Victorias nga një ikonë ndërkombëtare e muzikës pop deri në afirmimin e saj si një nga figurat më të respektuara të modës. Dokumentari është vlerësuar për autenticitetin, cilësinë e prodhimit dhe për mënyrën se si ka rikthyer imazhin e Victorias si stiliste me ndikim, duke tërhequr vëmendje të gjerë dhe duartrokitje nga publiku.
Sipas burimeve për “RadarOnline”, kjo situatë ka ndikuar te Meghan, e cila ndjen se pritjet për projektin e saj në Netflix nuk janë përmbushur.
“Victoria ka arritur pikërisht atë që aspironte të kalojë me sukses nga një personazh i famshëm në një figurë të respektuar biznesi. Meghan, megjithë përpjekjet për t’u pozicionuar si një forcë kulturore, është lënë disi në hije nga dokumentari i Victorias,” – ka thënë një burim.
Në të kaluarën, Meghan dhe Victoria gëzonin një miqësi të ngushtë. Beckham dizajnonte veshje për Markle gjatë periudhës së saj mbretërore, dhe familja Beckham mori pjesë në dasmën e Meghan dhe princit Harry në vitin 2018.
Megjithatë, marrëdhëniet mes tyre janë ftohur që nga momenti kur Meghan akuzoi Victorian se kishte nxjerrë informacione për shtyp, akuza që Victoria i ka mohuar kategorikisht.
