Në një intervistë për emisionin “Ftesë në 5”, Armaldo Kllogjeri u rikthye sot në ekran, duke ndarë detaje nga jeta e tij personale dhe përvojat pas daljes nga Big Brother VIP.
Ai foli me shumë emocion për vajzën e tij të vogël, Rean, duke treguar se e ka përkëdhelur pafund dhe se e ka rritur vetë, një rol që e ka forcuar si njeri dhe si prind.
Mes notash nostalgjie dhe reflektimesh, Armaldo ndau edhe mësimin më të madh që ka marrë nga eksperienca në BBV. Sipas tij, dalja nga shtëpia i ka hapur sytë për marrëdhëniet njerëzore dhe miqësitë.
“Big Brother më ka mësuar shumë gjëra. Ata që i konsideroja miq më kthyen krahët dhe nuk më ndihmuan. Njerëzit nuk janë aq të sinqertë sa duken kur ti je dikush; aty fillojnë të tregojnë fytyrën e tyre të vërtetë,” u shpreh Kllogjeri, duke lënë të kuptohet edhe një ndjenjë zhgënjimi ndaj disa prej miqve të tij.
