Nëse ju ka marrë malli të shihni në ekran gazetaren e mirë Mira Kazhani, kësaj here do të duhet të prisni gjatë. Ajo i është përkushtuar me kohë të plotë, një dritareje të re “online” që quhet “Tirana Post” e që sipas rrëfimit të Kazhanit për “Mapo” do të jetë ndryshe. “Unë nuk dua që tiranapost.al të jetë një portal më shumë, dua të jetë një dritë online. Të shkruajmë shkurt sidomos dhe ta nisim lajmin pa bërë meditime. Më tmerrojnë tekstet që duhet t’i studiosh për t’i kuptuar. Shkruaj thjesht o gazetar kudo që ndodhesh!”, thotë ajo. Momentalisht nga televizioni ka hequr dorë e nuk e sheh më si prioritetin e saj më të madh. Madje Mira thotë se ndonëse ishte çdo ditë në transmetim në një kanal të rëndësishëm si “Top Channel”, askush nuk e kujton se ka qenë në një emision të përditshëm. Mirën vazhdojnë e njohin kryesisht për shkrimet e saj cilësore e për penën e veçantë. Isha para dy zgjedhjesh; të prisja të më ndriste ylli në Top Channel, pasi drejtuesit e rinj vazhdimisht më thoshin se kishin plane ambicioze për mua, ose të mos prisja për të bërë gazetaren, sepse gazetar nuk të bëjnë vetëm studiot e mëdha, as logot e tilla, por punët e mira. Le që ku ka më gjë të madhe në këto kohë. Sot të gjithë janë online. Ende njerëzit që takoj, të njohur e të panjohur më identifikojnë me intervistat e Dosjes Hajdari, shkrimet e mia herë pas here në media online, rubrikën ‘Lunch’, Big Brother sigurisht por ajo që më ka tronditur është se nuk kujtohen që kam qenë në një emision të përditshëm sezonin e kaluar. Kështu mora vendimin final dhe nisa të mendoj për Tiranapost.al, e painteresuar për t’ju përmbajtur me fanatizëm një pune në televizion”, thotë ajo.
Mira Kazhani: Hoqa dorë nga pritja sa të më ndriste ylli në “Top Channel”, të gjithë më kujtojnë nga shkrimet e mia
