Arbana Osmani, prezantuesja e njohur shqiptare, është rikthyer me një projekt të ri që pritet të zgjojë interesin e publikut. Nëpërmjet një postimi në Instagram, ajo ndau lajmin e bukur për fansat, duke prezantuar “Mirëmbrëma Yje,” emisionin e saj më të ri, i cili do të transmetohet në kanalin e saj në YouTube.
Në një video trailer, Arbana zbulon disa pamje ekskluzive duke krijuar një atmosferë dhe intrigë për atë që do të sjellë ky program i ri.
Sipas saj, ky projekt është një kombinim i të gjitha emisioneve të mëparshme që ajo ka prezantuar, por në një format krejtësisht të ri dhe të freskët, të përshtatur për platformën e YouTube.
Për të ndjekur aventurën e re të Arbanës, ajo u bën thirrje të gjithë ndjekësve të bëjnë subscribe në kanalin e saj.
