Me këngën e tyre më të re “Beso” djemtë e ‘West Side Family’ kanë korrur një sukses të padiskutueshëm. Ditën e sotme ata ishin të ftuar në emisionin ‘Kush vjen për drekë’, ku përveç aftësive në gatim ata treguan dhe disa gjëra më shumë për karrierën dhe jetën e tyre. Gjatë emisionit për Mirin ishte rezervuar një surprizë shumë e bukur, ku bashkëshortja dhe vajza e tij u shfaqën në një video-mesazh nga Gjermania. Miri u emocionua shumë nga kjo surprizë dhe më pas tregoi se si bashkëshortja gjermane e kishte mësuar aq mirë gjuhën shqipe.
“Në fillim ne flisnim anglisht me njëri-tjetrin. Më pas i thash nëse do të pranohesh në gjirin e familjes në fillim duhet të mësosh gjuhën shqipe. Ajo nisi mësimet nga interneti, por kur erdhi në Shqipëri, e lashë në shtëpi me mamanë time. E kështu gjithçka e ka mësuar në mënyrë autodidakte, ‘e hodha në det edhe i thash mësoje se do mbytesh’” ka treguar Miri. /revistawho.com
