Një moment i qetë në shtëpinë e “Big Brother VIP 5” u shndërrua në një bisedë me nëntekste të forta mes Mirit dhe Selin. Gjatë diskutimit, tema mori një kthesë personale kur u përmend figura e babait të banores.
Teksa Miri po këmbëngulte në një argument, reagimi i Selin ishte i menjëhershëm dhe emocional. Ajo e krahasoi këngëtarin me të atin, duke u shprehur: “Më duket sikur e kam përballë, po nuk e beson njeri”.
Kjo deklaratë solli një pyetje direkte nga Miri, i cili e pyeti nëse do të kishte ndonjëherë një takim me babain e saj. Përgjigjja e Selin ishte e paqartë, por jo pa nënkuptime: “Nuk e di, ndoshta edhe e ke mërzitur”.
Situata bëhet edhe më delikate duke pasur parasysh deklaratat e mëparshme të babait të Selin, i cili publikisht ka reaguar ashpër ndaj Mirit. Në një lidhje telefonike për emisionin “Shqipëria Live”, ai nuk u kursye aspak, duke e etiketuar këngëtarin si ‘zhigolo dhe pervers’, ndërsa shtoi se sipas tij, Miri “bën çdo gjë për famë dhe lekë”.
Pavarësisht përpjekjes së Mirit për të sqaruar veten gjatë bisedës në shtëpi, Selin mbeti e rezervuar, duke mos dhënë një përgjigje të prerë.
Pjesë nga biseda:
Selin: Për Zotin nuk e beson njeri, po fiks…
Miri: Si jam? Fiks ça?
Selin: Më duket sikur e kam përballë, po nuk e beson njeri
Miri: A do ta takoj ndonjëherë?
Selin: Nuk e di se ndoshta edhe e ke mërzitur
Miri: Jo, nuk të kam mërzitur kurrë dhe ai e di se ça bëj unë.
Selin: Se di
Miri: E di pra. Kur thua fiks, ai e kupton se pse e bëj unë.
