Raporti i Mirit me bashkëshorten e tij është kthyer në një nga temat më të përfolura të ditëve të fundit brenda dhe jashtë shtëpisë së “Big Brother VIP 5”. Sjellja e tij në lojë, afërsia e krijuar me Selin dhe mënyra si pozicionohet në situata të caktuara kanë nxitur dyshime mes banorëve dhe publikut, duke ngritur pikëpyetje për natyrën e kësaj marrëdhënieje. Edhe pse të dy kanë theksuar vazhdimisht se mes tyre nuk ka asgjë më shumë se miqësi, diskutimet nuk janë shuar.
Sot, gjatë një bisede me Artanin, Miri vendosi të hapte një kapitull personal, duke treguar për komunikimin që kishte pasur me bashkëshorten para se të merrte vendimin për të hyrë në reality show. Ai zbuloi se partnerja e tij është gjermane dhe se para këtij hapi kishte kërkuar qartësi, mirëkuptim dhe miratim nga ana e saj.
Në bisedë, Miri tregoi se i kishte shpjeguar asaj çfarë mund të ndodhte brenda shtëpisë dhe se kishte dashur të ishte i sinqertë që në fillim për natyrën e lojës dhe situatat e paparashikueshme që mund të lindnin. Pikërisht përgjigjja e saj, sipas tij, ishte ajo që i dha sigurinë për të vazhduar me këtë vendim.
Pjesë nga biseda:
Miri: Unë e kam bashkëshorten gjemane
Artan: S’ke nevojë se e di
Miri: Nuk po ta them ty. Tani, unë kam bërë një pyetësor dhe te pyetja dy, nuk shkova në fund se nuk kisha nevojë, i thashë ‘unë do të hy atje, por ta kesh parasysh se ça mund të ndodhë atje’. Je dakord i thashë, e di ç’më tha ‘më plasi’. Tani do të hy thashë unë.
