Përpara pak kohësh një fotografi e Miriam Canit ngriti dyshime për një shtatzëni të mundshme të këngëtares. Megjithatë Miriami në një farë mënyre në heshtje mohoi gjithçka. Ditën e sotme ajo ishte e ftuar në emisionin ‘Një kat më lart’, ku tregoi se si qëndron e vërteta.
Kur u pyet nga moderatori, Ermal Peçi, nëse ishte shtatzënë apo jo, Miriam u ngrit në këmbë dhe tregoi se të gjitha ishin fjalë të kota. “Kisha ngrënë shumë atë ditë dhe më ishte fryrë pak barku. Nuk jam shtatzënë, thjesht nuk kam trupin e një top-modeleje ku gjithçka është perfekte”, – ka thënë Miriami. Megjithatë ajo ka treguar se bashkë më Albanin dëshirojnë shumë të kenë dhe një fëmijë tjetër.
“Albani thotë shpesh: ‘Do ta bëjmë dhe një të dytë?’, po po i them do ta bëjmë, por është akoma herët, sepse Ameli është akoma e vogël. Unë sapo i jam rikthyer punës dhe kam dëshirë dhe ende gjëra të cilat dua t’i realizojë, pastaj në të ardhmen…nuk duam të përcaktojmë një kohë të caktuar “, – ka shtuar Miriami. /revistawho.com
