Tiranë, po të lë në ditët e tua më të këqija, në ditët kur gjithë të këqijat të kanë rënë përsipër, në ditët kur të ka mbuluar e keqja dhe po të mbyt!
Më duhet të iki Tiranë, nga ti, nga të gjithë, jam lodhur nga rutina, nga e vjetra që vjen gjithmonë në frontin e perëndimit, nga ti, nga ti që i lë të gjithë të shkelin se thua se e bëjnë nga dashuria, por ti se kekuptuar ende që po vdiqe, vetëm të varrosesh mundesh, nuk ngjallesh më!
Më duhet të iki Tiranë, jam i lodhur duke luftuar me Don Kishotin, duke u përpjekur ti mbush mendjen që luftërat që bën nuk kanë më kuptim, idealet kanë humbur, ato mbase morën fund ditën që vdiq edheDon Kishoti…
Mirupafshim Tiranë, shpresoj të shihemi në ditët kur ti të jesh duke lulëzuar, dhe unë duke shkëlqyer, muagjithmonë do më marrë malli për ty, dhe gjithmonë do kthehem, për të të parë, për të qëndruar me ty, për të të bërë shoqëri, për të të duartrokitur, por edhe për të të ngushëlluar, unë do kthehem gjithmonë te ti, por nuk mund të rri më pranë teje…
Mirupafshim Tiranë, deri në ditët e ndryshimeve që do sjellin lumturinë në jetët tona…
Mirupafshim Tiranë…
