Ditën e sotme bukuroshet e “Miss Globe” sfiluan me bikini për kompeticionin “Miss Bikini Show”. 52 vajza nga vende të ndryshme të botës sfiluan përpara jurisë së përbërë nga Armand Sallbanda, Orgesa Kalemi, Mirela Baçi, Nestor De la Cruz, Inga Raduga dhe Olta Ahmetaj. Përpara se vajzat të sfilonin me bikini, juria dhe publiku mësoi më shumë për to falë pyetjeve që secila prej tyre iu përgjigj. Në fund juria dha votën e saj për bukuroshet dhe dy më të votuarat ishin Miss Shqipëria, Drita Ziri dhe Miss Tajlanda, Thanawan Wigg. Mes dy vajzave, kurorën e Miss Bikini Show e fitoi bukuroshja Drita Ziri që përfaqëson vendin tonë. Finalja e “Miss Globe” do të mbahet më 15 tetor në orën 20:30 live, në Teatrin Kombëtar të Operas dhe Baletit.
