52 vajza nga shtete të ndryshme kanë mbërritur në Shqipëri për kompeticionin më të madh të bukurisë “Miss Globe 2022”. Në konferencën e mbajtur këtë të martë në Teatrin Kombëtar të Operas dhe Baletit producenti Petri Bozo prezantoi turin që do të zhvillojë në qytete të ndryshme të Shqipërisë me Miss-et.
“Vajzat do të performojnë një shfaqje të jashtëzakonshme. Një event bukurie, të miksohet me muzikën operistike, brenda mureve të Teatrit të Operas, është një rast ukinkal edhe ky do të jetë rekord i këtij viti”, tha Petri Bozo. Bukuroshet sot vizituan ndërtesën e njohur si “Shtëpia e gjetheve”, Arkivin Qendror Shtetëror të Filmit, ku dhe ndoqën filmin “14 vjeç dhëndër”e në vazhdim do të njihen me traditat e vendeve përkatëse.
Finalja e “Miss Globe” do të mbahet më 15 tetor në orën 20:30 live, në Teatrin Kombëtar të Operas dhe Baletit.
