Miss-i parë shqiptar nis punë në bashki, Valbona Selimllari këshilltare e Erion Veliajt

Është zbukuruar stafi i Bashkisë së Tiranës, pasi së fundmi i është bashkuar një nga femrat tona më të bukura. Miss-i parë shqiptar Valbona Selimllari tashmë mban një detyrë të re, ajo është këshilltare e kryebashkiakut Erion Veliaj. Selimllari do të mbulojë çështjet sociale në këtë institucion. Lajmin se dhe Miss Valbona është pjesë e stafit të tij të ngushtë, e dha sot vetë Veliaj. Duke falenderuar bashkëpunëtoret e tij femra, kryetari i bashkisë ndau fotot e tyre në llogarinë tij të “Facebook” duke shkruar: “Ky qytet do ishte ende në gjumë, po të mos qe për mendjet e bukura e pasionin unik të kolegeve të bashkisë. Gëzuar dhe faleminderit, faleminderit, faleminderit!”/ revistawho.com