‘’Miss Shqipëria 2017’’, spektakli më jetëgjatë në historinë e kompeticioneve të bukurisë pritet të kurorëzojë këtë të premte, datë 16 qershor, më të bukurën e Shqipërisë. Edicioni i 19-të i kësaj patente autentike, që u siguron disa prej vajzave konkurrente pjesëmarrje në më shumë se 20 konkurse ndërkombëtare, përfshirë këtu edhe “Miss Globe” do të mbahet këtë vit në Tepelenë.
E ndërsa jemi njohur në këto javë me të gjitha vajzat konkurrente gjatë turit të përvitshëm, të kthyer tashmë në një traditë nga “Deliart”, sot “revistawho.com” mëson se cila do të jetë dyshja e prezantuesve që do të drejtojnë eventin. Vajzën që do të jetë bashkëdrejtuese, e kemi parë të shoqërojë konkurrentet në destinacionet atraktive ku kanë shëtitur në të gjithë Shqipërinë. Ajo është moderatorja rebele Einxhel Shkira, që do të vijë në skenën e ngritur mbi kalanë e Tepelenës, krah një artisti kontrovers që bën gjithmonë zhurmë. Kastro Zizo, do të jetë xhentëllmeni që do të presë e përcjellë bukuroshe nga të gjitha trevat shqipfolëse.
Nata finale pritet të sjellë dhe plot supriza të tjera, ku vendimi i jurisë do të kurorëzojë para jush vajzën më të bukur shqiptare të vitit 2017. Kristiana Skura, “Mis Shqipëria 2016” do t’i dorëzojë kurorën vajzës fituese si vazhdimi i një tradite që nuk humbet… Ndaj përgatituni të qëndroni të ngjitur pas ekranit, sepse nata do të sjellë emocione dhe risi (që me siguri do t’i zbulojmë në vijim), në një prej eventeve ku bukuria e Shqipërisë ndërthuret me atë të konkurrenteve. Mos harroni, të premten datë 16 qershor, live nga Kalaja e Tepelenës në ekranin e RTSH. / revistawho.com
