‘Miss Shqipëria’ Kristina Skura: Pas 20 vitesh jam gati ta lë Greqinë për një punë në televizion

Është 20 vjeçe dhe fati e bekoi me një kurorë missi, që mund t’i hapë rrugët e jetës në botën e spektaklit. Kristina Skurra është brunia e lindur dhe rritur në Rodos të Greqisë, e cila u shpall “Miss Shqipëria 2016” në spektaklin e organizuar në Kalanë e Lezhës. Në pritje për të përfaqësuar Shqipërinë në “Miss Globe”, ku do të garojë me bukuri të shteteve të ndryshme, Kristina rrëfen për “Panorama” se është e hapur për ofertat nga bota e televizionit. “Kam shumë dëshirë që të përfaqësoj Shqipërinë në “Miss Globe”. Sa për televizionin, pse jo, pasi më pëlqen shumë. Madje, nëse do të më bëhet një ofertë e tillë, do t’i thosha “po”. Shqipëria është vendi im. Unë vërtet kam lindur në Greqi, por jam shqiptare dhe më pëlqen shumë Shqipëria”, ka thënë Miss Shqipëria.