Periudha e shtatzënisë shoqërohet me ndryshime të shumta në trup. Thuhet se gjatë shtatzënisë nëna duhet të konsumojë ushqim sa për dy veta, por në fakt duket se ky është një koncept i gabuar. Nëse nëna shtatzënë konsumon ushqime sa për dy veta, e vendos veten dhe fëmijën në risk për diabet dhe presion të lartë të gjakut.
Sipas një studimi të bërë në Hong Kong, kilogramët e tepërt mund të ndikojnë në rezistencën e insulinës tek fëmija. Gjithashtu fëmija mund të vuajë nga një problem tjetër i quajtur makrosomia, kur i vogli lind me peshë më të madhe se normalja. Pesha ndikon edhe në Indeksin e Masës Trupore dhe mund të shkaktojë probleme në funksionimin normal të zemrës. Doktorët sugjerojnë se gratë shtatzëna duhet të shtojnë deri në 16 kilogramë gjatë shtatzënisë që të mos kenë më pas probleme me shëndetin. Cdo grua shtatzënë duhet të ndjek një dietë të balancuar dhe të ushtrohet vazhdimisht. /revistawho.com
