Pas një periudhe të gjatë larg syrit të publikut, Lumbardh Salihu, fituesi i edicionit të dytë të “Big Brother VIP Kosova”, është rikthyer në qendër të diskutimeve, këtë herë jo për ndonjë angazhim televiziv, por për një lidhje të mundshme që po bën bujë në rrjete sociale.
Në disa video që po qarkullojnë në internet, Lumbardhi shihet në shoqëri të ngushtë me këngëtaren Semi Jaupaj. Dyshja shfaqen shumë të afërt, çka ka mjaftuar që fansat të ngrenë dyshimet për diçka më shumë se miqësi mes tyre.
Asnjëri prej tyre nuk ka bërë ende ndonjë koment publik, por komentet dhe spekulimet nuk kanë munguar. Rrjetet sociale janë vërshuar nga aludimet se mes Lumbardhit dhe Semit mund të ketë lindur një romancë, e cila deri tani është mbajtur larg vëmendjes mediatike.
Pamjet janë publikuar nga Prive – dhe duket se kjo histori sapo ka nisur të marrë formë…
