Ambasada Franceze organizon një shfaqje muzikore dhe akobratike për të gjithë fëmijët dhe të rriturit. Ajo do të mbahet në sheshin e kryeqytetit dhe të gjithë janë të ftuar për ta parë dhe argëtuar falas. Shfaqja titullohet “Mobile Homme” dhe do të mbahet ditën e shtunë më 29 shtator në orën 17:00. Spektakli i kompanisë ‘Transe Express’ është i organizuar nga Ambasada e Francës në Shqipëri me mbështetjen e Bashkisë Tiranë dhe Aleancës Franceze të Tiranës. Gjithashtu vjen në bashkëpunim artistik me ‘Cirkun Kombëtar’, Teatrin e Metropolit dhe Banda Frymore e Qytetit të Tiranës.
“Cili është ai fëmijë që nuk ka parë ëndrra të bukura përpara një lodre të varur në krevatin e tij, i përhumbur në lëvizjet e personazheve të vegjël të cilët tunden nën fijet e najlonit sapo fryn fare pak.
Imagjinoni një lodër të tillë të përbërë nga nën-oficerë drejtues të një fanfare prej mishi dhe kockash.
Imagjinoni sikur një trapeziste delikate të vijë të lëviz në zemër të këtij ‘bistaku’ ajror dhe të përçojë një erë çmendurie nga lëvizjet e saj të lira.
Imagjinoni rrahjet e lehta, spërkatjet e mprehta dhe zhurmat e shurdhëta që rrjedhin nga kjo gjashtëshe tamburësh qiellorë.
Me anë të mekanikës sinkope dhe ritmit të zbutur, vala e Tamburëve bën përpara. Në fund të vargut të ushtarëve të vegjël prej plumbi, ndodhen torollaku, budallai dhe i përhumburi, i cili më shumë dëshiron të josh spektatorët ose të testojë tingullin e koshave sesa të marshojë. Gjithçka ndodh atje sipër në qiell të hapur, aty ku ne do të zbulojmë se nën petkun e klounit fshihej një trapeziste e bukur”./revistawho.com
