Saga e sfilatave për Elton Ilirjanin vazhdon. Këtë herë ka shkëlqyer më Javën e Modës në Seul në datat 2-6 shtator. Filantropi dhe supermodeli shqiptar e shkel për herë të dytë pasarelën e kësaj shfaqjeje në Korenë e Jugut. Shfaqja u hap nga Ilirjani dhe gjithçka ishte magjike.
Supermodeli u shfaq i veshur Greedilious në një pafundësi ngjyrash. Historia nuk mbaron këtu, bashkëpunimi me kompaninë gjigande inovative “LG” ishte surpriza e kësaj shfaqjeje. Ngjyra që shkojnë nga një dimension në tjetrin, në ekranet e LG-së që shfaqen në veshje, duke krijuar thuajse një iluzion optik.
Maison Nica dhe Greedilious zgjodhën pikërisht Ilirjanin për të hapur e mbyllur sfilatat e tyre, në mesazhet që përçohen në gjithë botën.
Maison Nica e mbylli sfilatën me supermodelin shqiptar; për një botë më të mirë, të lirë, pa gjini, me një përqafim me stilistin që mund të thuhet me plot gojën se ishte momenti kulminant i asaj sfilate.
Greedilious i besoi Ilirjanit hapjen e sfilatës në një qark që hapet e nuk mbyllet kurrë.
Magjia vazhdon…
Javët e modës ku do të shohim Elton Ilirjanin apo eventet e modës në vazhdim janë:
17-23 shtator 2024- Milano Fashion Week. 23 shtator- 2 tetor 2024- Paris Fashion Week. 3-15 tetor 2024- disa aktivitete në Tiranë si dhe pjesë e “Miss Globe”. 4-9 dhjetor 2024- Miami Art Basel.
