Kush modele nuk do të donte të ishte pjesë e Victoria’s Secret Fashion Show. Linja e të brendshmeve organizon çdo vit këtë shfaqje duke ftuar modelet më ‘in’ të momentit si Gigi Hadid dhe motra e saj Bella, Kendall Jenner dhe modelet veterane si Adriana Lima. Por modelja e famshme Ashley Graham i ka kujtuar Victoria’s Secret se ekzistojnë edhe modelet e masës plus. Modelja e masës plus postoi një foto ilustruese në Instagram ku shfaqej vetë ajo me krahë ëngjëlli dhe mbishkrimin e Victoria’s Secret. Vetëm se këtë herë nuk shfaqej një modele e hollë por me forma. Ashley është një modele e masës plus dhe i ka mbështetur femrat e masës plus. Ajo ka thënë: “Unë nuk do jem kurrë mjaftueshëm e mirë për një industri që e sheh perfeksionin nga bukuria e jashtme megjithëse unë e dashuroj celulitin tim, format e mia. E dashuroj çdo pjesë të trupit tim.”
